 |
 |
Sevgim.az |  |
 |
Vüqar Yusubov (12 dekabr 1965 – 6 yanvar 2024) — Azərbaycan müğənnisi və bəstəkar. O, 1980-ci illərdən etibarən həm Azərbaycanda, həm də Rusiyada musiqi fəaliyyəti ilə məşğul olmuş, “Təbriz” estrada qrupunun solisti kimi tanınmışdır.[1]
| Vüqar Yusubov | |
|---|---|
 | |
| Doğum tarixi | |
| Doğum yeri | İmişli, Azərbaycan SSR, SSRİ |
| Vəfat tarixi | (58 yaşında) |
| Vətəndaşlığı |
 Azərbaycan |
| Milliyyəti | Azərbaycan türkü |
| İxtisası | Estrada musiqisi |
| Fəaliyyəti | Müğənni, bəstəkar |
| Fəaliyyət illəri | 1980–2024 |
Vüqar Yusubov 1965-ci ildə İmişli rayonunda anadan olmuşdur. Uşaqlıqdan musiqiyə böyük maraq göstərmiş, 13 yaşında ilk dəfə səhnəyə çıxmışdır. Onun musiqi fəaliyyəti yerli "Röya" ansamblının konsertində ifası ilə başlamışdır. Səsi və ifa tərzi dinləyicilər tərəfindən yüksək qiymətləndirilmişdir.[2]
Onun musiqi karyerası 1980-ci illərin sonlarında başlamışdır. Əvvəlcə "Şəms", sonralar azərbaycanlı iş adamı Cənnət Əliyevin Rusiyada yaratdığı “Təbriz” estrada qrupunun rəhbəri olmuşdur. Qrupun ifa etdiyi “Təbriz” mahnısı həmin dövrdə geniş populyarlıq qazanmışdır.
Qonşusu və qohumu Əlisahib Musayev onun sənətə gəlişi ilə bağlı belə deyir[3]:
“Vüqar uşaq yaşlarından ədəbiyyatı və şeiri sevirdi. Hafizəsi güclü idi. Estradaya gəlişi musiqi alətlərinin müasirləşdiyi dövrə təsadüf etdi. Niyaməddin Musayevin təsiri təkcə Vüqara deyil, qardaşlarım Cabbar və Musaya da böyük olmuşdu. Vüqar xüsusi musiqi təhsili olmadan peşəkar səviyyəyə çatmışdı.”
Vüqar Yusubov 2024-cü ilin yanvarında vəfat edib.[4]
Vüqar Yusubov 1987-ci ildən etibarən tanınmağa başlamış, kasetlər vasitəsilə mahnılarını yayımlayaraq dinləyicilərin rəğbətini qazanmış və qısa müddətdə toylarda, konsert salonlarında məşhur ifaçılardan birinə çevrilmişdir. Bu illərdə Bakıda 20 gün ardıcıl konsertlər vermiş və geniş auditoriya tərəfindən tanınmışdır. O, kasetlərini “Vesna” maqnitofonu ilə özü yazırdı və bu, onun musiqiyə olan həvəsini və əzmini göstərirdi. [5]
1990-cı illərdə Vüqar Yusubov Azərbaycana qayıdaraq solo fəaliyyətini davam etdirmişdir. Onun ifasında səslənən “Mən səni sevmədim ki”, “Yalanmış”, “Ayrılıqdan yana” kimi mahnılar geniş auditoriya tərəfindən sevilmiş və dinləyicilər arasında klassik hitlərə çevrilmişdir.
O, Sezən Aksunun da oxuduğu "Gülümsə" mahnısını ifa edib. Sonra isə Vüqarın ifasını çox bəyənən müğənni gülərək "Bilsəydim, bu ifanı məndən sonra belə oxuyan olacaq, heç oxumazdım." ifadəsini işlədərək bunu dilə gətirmişdir.[6]
Vüqar Yusubov həmçinin bəstəkar kimi də fəaliyyət göstərmiş, bir çox mahnıların musiqisini özü yazmışdır. Sənətkar öz sənətinin də təbliğinə heç vaxt maraqlı olmadığını, hətta efirlərdə belə görünmək istəmədiyini bildirib, reportajların birində efirlərin müasir vəziyyətinin xoş olmadığını da dilə gətirmişdi. Həmin reportaj zamanı Müğənni Könül Kərimova onu verilişə dəvət etsə də qəbul etmədiyini deyir, efirlərlə yox, öz kasetləri ilə tanınan musiqiçi olduğunu bildirib.[7]
Sənətçinin yaradıcılığı Azərbaycan estrada musiqisində özünəməxsus iz qoymuşdur. O, mahnılarında daha çox duyğusal mövzulara — sevgi, itki, ailə və vətən həsrətinə toxunmuşdur. Musiqi dünyasında orijinal səsi və emosional ifası ilə seçilən Vüqar Yusubov, sənətsevərlərin yaddaşında duyğulu və səmimi bir sənətkar kimi qalmışdır. Estrada musiqisində öz dəsti-xəttini yaratmış sənətkar idi.[8]
 |
 |
SEVGIM.AZ |  |
 |
|
