. Sevgim.az

Sabit Rehmanin Ev Muzeyi - Wikipedia - Sevgim.az

Ana Səhifə - Sabit Rehmanin Ev Muzeyi

Sabit Rəhmanın Ev-Muzeyi — Şəki şəhərində yerləşən 1910-cu ilə aid aid tarixi-memarlıq abidəsi və ev muzeyi.

Sabit Rəhmanın Ev-Muzeyi
Sabit Rəhmanın Ev-Muzeyi
Sabit Rəhmanın Ev-Muzeyi
Xəritə
Əsası qoyulub 2001
Mövzu Tarix
Ölkə
  •  Azərbaycan
Yerləşir Şəki şəhəri, Ağvanlar məhəlləsi, 21
Kolleksiyası 460
Telefon (+994 24) 244-50-89
İş rejimi (II – VII) 10:00 – 18:00[1]
41°12′05″ şm. e. 47°11′20″ ş. u.HGYO
Vikianbarın loqosu Vikianbarda əlaqəli mediafayllar

Bu evdə Azərbaycan SSR əməkdar incəsənət xadimi, yazıçı, dramaturq Sabit Rəhman və Azərbaycan Respublikasının xalq artisti, bəstəkar Emin Sabitoğlu dünyaya gəlib.

Mündəricat

  • 1 Bina haqqında
  • 2 Muzey haqqında
  • 3 Şəkilləri
  • 4 Həmçinin bax
  • 5 İstinadlar

Bina haqqında

redaktə

Bina 1910-cu ildə Sabit Rəhmanın atası Rəhman Əfəndi tərəfindən tikdirilib. Sabit Rəhman da bu evdə anadan olub. O dövrdə Şəkidə evlər əsasən kərpicdən tikilirdi. Rəhman Əfəndi isə evini daşdan tikmişdi.[2] Məhz buna görə də yerli camaat Rəhman Əfəndinin nəslinə "Daşagirənlər" adını veriblər.[3] 2 mərtəbəli olan bina milli memarlıq üslubunda tikilib.[4] Binada 2 qədim buxarı və bir böyük divar sobası var. İkinci mərtəbədə yerləşən buxarı həndəsi naxışlarla bəzədilib.[3]

Muzey haqqında

redaktə

Azərbaycan Respublikası Nazirlər Kabinetinin 7 sentyabr 2000-ci il, № 163-li Qərarına əsasən Şəki şəhərində Sabit Rəhmanın ev-muzeyinin yaradılması haqqında Azərbaycan Respublikası Mədəniyyət Nazirliyinin Şəki şəhər İcra Hakimiyyəti ilə razılaşdırılmış təklifi qəbul edilib.[5][6] Bundan sonra 2000-ci ildə binanın bərpasına başlanılıb. 2001-ci ilin iyun ayının 8-də binada Sabit Rəhmanın ev-muzeyi istifadəyə verilib.[7]

Böyük ekspozisiya zalında Sabit Rəhmanın şəxsi əşyaları, istifadə etdiyi masa, uşaqlıq və gənclik illərində çaldığı royal nümayiş etdirilir.[8] Üzeyir bəy Hacıbəyli vaxtilə Sabitin bu royalda ifasını dinləyib və çox bəyənib, ona bu işi davam etdirməyi məsləhət görüb. Lektoriya zalında Sabit Rəhmanın oğlu, 600-dən çox mahnının müəllifi bəstəkar Emin Sabitoğluna aid eksponatlar, üçüncü otaqda ailənin məişət əşyaları, dördüncü otaqda isə dramaturqun 50 illik yubileyində verilmiş hədiyyələr sərgilənir. Ev-muzeydə bütövlükdə 460-a yaxın eksponat saxlanılır.[9]

Şəkilləri

redaktə
  •  
  •  
  •  
  •  
  •  
  •  
  •  

Həmçinin bax

redaktə
  • Emin Sabitoğlu
  • Sabit Rəhman

İstinadlar

redaktə
  1. ↑ "Sabit Rəhmanın Ev-Muzeyi". 2020-10-20 tarixində arxivləşdirilib. İstifadə tarixi: 2020-10-19.
  2. ↑ "Sabit Rəhmanın ev muzeyinin yaradılmasının 20 illiyi qeyd edilib". azertag.az (az.). İstifadə tarixi: 2025-07-14.
  3. ↑ 1 2 "Sabit Rəhmanın ev-muzeyi". sheki.heritage.org.az. 2020-01-07 tarixində arxivləşdirilib. İstifadə tarixi: 2025-07-14.
  4. ↑ "Şəki-Zaqatala Regional Mədəniyyət İdarəsi". sheki.mct.az. 2025-02-13 tarixində arxivləşdirilib. İstifadə tarixi: 2025-07-14.
  5. ↑ "Şəki şəhərində Sabit Rəhmanın ev-muzeyinin yaradılması haqqında". e-qanun.az (az.). 2000-09-07. İstifadə tarixi: 2025-07-15.
  6. ↑ "Şəki şəhərində ev-muzeyi". anl.az. İstifadə tarixi: 2025-07-15.
  7. ↑ "Sabit Rəhmanın Ev-Muzeyi - Muzey haqqında". www.s.rahman-museum.sheki.org (ingilis). İstifadə tarixi: 2025-07-14.
  8. ↑ "Sabit Rəhmanın ev muzeyində bir gün". musavat.com (az.). İstifadə tarixi: 2025-07-14.
  9. ↑ "Şəki İrs Reyestri". 2020-01-07 tarixində arxivləşdirilib. İstifadə tarixi: 2020-10-21.
Mənbə — "https://az.wikipedia.org/wiki/?q=Sabit_Rəhmanın_ev-muzeyi&oldid=8242536"
SEVGIM.AZ