Honqkonq Incesenet Muzeyi - Wikipedia - Sevgim.az

Muzeyin əsas vəzifəsi çin mədəniyyətinin qorunub saxlanması və yerli ustaların əsərlərinin təşviqidir. 

Muzeyin kolleksiyasında 16 mindən çox incəsənət nümunəsi, onlar arasında Çin və Honqkonq rəssamları, heykəltaraş və xəttatlarının əsərləri və tarixi əhəmiyyət kəsb edən bir çox obyektlər saxlanılır. Daimi sərgilərdən başqa,  beynəlxalq əməkdaşlıq çərçivəsində muzeydə xarici əsərlərin kolleksiyaları nümayiş olunur. ^[3]

Muzey çərşənbə axşamı və Çin Yeni İlinin ilk iki günü istisna olmaqla hər gün ziyarətçilərə açıqdır. İş qrafiki bazar ertəsindən cümə gününə qədər saat 10-dan 18-dək; şənbə, bazar və bayram günlərində saat 10-dan 19-dək; katoliklərin Milad ərəfəsində və Çin Yeni il ərəfəsində saat 10-dan 17-dək.

Muzeyə giriş 10 honqkonq dollarıdır; əlillərə, tələbələrə və 60 yaşına çatmış insanlara - 5 HKD; 20 nəfərdən çox qruplara 30 % güzəşt var. Xüsusi sərgilərə baxmaq üçün əlavə ödəniş verilə bilər.

1962-ci ildə yaradılıb. 1991-ci ilə qədər Honqkonq merinin binasında Mərkəzi rayonda yerləşirdi. Daha sonra Çimsaçoyda yerləşən Solsberi Road küçəsindəki muzey üçün tikilən xüsusi binaya köçürüldü. 27 yanvar 1984-cü ildə Honqkonq parkında yerləşən bayraq dirəyi olan binada İncəsənət Muzeyinin filialı kimi Çay Qabları Muzeyi açıldı. ^[4]

2015-ci ildə Reuters agentliyinin versiyasına görə dünyanın ən çirkin binaları sırasında səkkizinci yerdə  olduğu üçün muzey binası fasadının iki illik yenidənbərpası üçün bağlanması planlaşdırılırdı.^[5] Bununla yanaşı, muzey sərgi salonlarının azlığından əziyyət çəkdiyinə görə əlavə iki sərgi salonu  və yeni bir mərtəbə tikmək planlaşdırılır. bu vaxt ərzində isə muzey ekspozisiyasını xarici ölkələrdə səyyar sərgilərin keçirilməsini düşünür.^[6][7]

• Официальный сайт Гонконгского музея искусств. (çin.)(çin.) (ing.)(ing.)