 |
 |
Sevgim.az |  |
 |
Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Axundov Fikrət Xosrov oğlu (14 mart 1951, Şuşa) — Müdafiə Sənayesi Nazirliyinin Milli Aerokosmik Agentliyinin Elmi Tədqiqat İnstitutunda şöbə rəisi.
| Fikrət Axundov | |
|---|---|
 | |
| Doğum tarixi | 14 mart 1951 (74 yaş) |
| Doğum yeri | |
| Təhsili | |
| Mükafatları |
  |
Axundov Fikrət Xosrov oğlu 14 mart 1951-ci ildə Şuşa şəhərində ziyalı ailəsində anadan olmuşdur.
Fikrət Axundovun atası Axundov Xosrov Mirzə Əli oğlu müəllimlik etməklə yanaşı şerlər yazmış, Qarabağın o cümlədən Şuşanın tarixi ilə bağlı dərin biliklərə malik olmuşdur. Həmçinin babası Mirzə Əli Aşiq Axunzadə[1] və ulu babası Molla Zeynalabdin Sağəri dövrünün tanınmış müəllim, şair və musiqişünaslarından olmuşlar.
Fikrət Axundov 1959-cu ildən 1965-ci ilədək Şuşada orta məktəbdə təhsil almışdır. Ailə vəziyyəti ilə əlaqədar olaraq 1965-ci ilin sonunda Bakıya köçmüş və təhsilini Bakıda davam etdirmişdir.
Fikrət Axundov 1969-cu ildə Bakıda 240 saylı orta məktəbi bitirərək D. Bünyad-zadə adına Azərbaycan Xalq Təsərrüfatı İnstitutunun maliyyə-statistika fakültəsinə daxil olmuş və 1973-cü ildə oranı iqtisadçı ixtisası üzrə bitirmişdir. Həmin ilin avqustunda təyinatla Azərbaycan SSR Dövlət Plan Komitəsinin Elmi Tədqiqat İqtisadiyyat İnstitutunda əmək fəaliyyətinə başlamış və 1976-cı ilədək iqtisadçı vəzifəsində işləmişdir.
1973–1974-cü illərdə Ukraynada Sovet ordusu sıralarında xidmət etmişdir.
1976–1986-cı illərdə Kənd Tikinti Nazirliyinin "Tikinti-quraşdırma" trestində böyük iqtisadçı, Əmək haqqı, Kadr və Plan şöbələrində rəis vəzifələrində çalışmışdır.
1986-cı ılin aprelindən 1991-ci ilin dekabrınadək Dövlət Aqrar Sənaye Komitəsində əməyin təşkili və əmək haqqı idarəsində baş məsləhətçi vəzifəsində işləmişdir.
Struktur dəyişikliyi ilə əlaqədar Komitə Kənd Təsərrüfatı və Ərzaq Nazirliyinə çevrilmiş və 1991-ci ilin dekabrından 1993-cü ilin mart ayınadək Baş Plan İqtisad idarəsinin Əməyin təşkili və əmək haqqı idarəsində baş məsləhətçi vəzifəsində çalışmışdır.
1993-cü ilin martından 2007-ci ilin yanvarınadək Azərbaycan Respublikası Dövlət Sosial Müdafiə Fondunda Plan-iqtisad idarəsinin rəsi, Proqnazlaşma departamentinin direktoru vəzifələrində işləmişdir.
2007-ci ilin yanvar ayından 2021-ci illin martınadək Müdafiə Sənayesi Nazirliyində iqtisadiyyat sektorunun, İqtisadi təhlil, proqnozlaşdırma və əməyin ödənilməsinin tənzimlənməsi şöbəsinin və son 2 ildə isə (2019–2021) İqtisadiyyat şöbəsinin müdiri vəzifələrində çalışmışdır.
1986–2021-ci illərdə — 35 il müddətində dövlət qulluğunda xidmət etmiş, dövlət qulluğunun müşaviri ixtisas dərəcəsinə yiyələnmişdir. Dövlət qulluğunda işlədiyi müddət ərzində özünü bacarıqlı mütəxəssis kimi göstərmiş, qarşıya qoyulmuş vəzifələrin öhdəsindən bacarıqla gəlmişdir. Ölkədə gedən ictimai-siyasi, iqtisadi prosesləri dərindən dəyərləndirmiş, öz səlahiyyətləri daxilində aparılan islahatların həyata keçirilməsində yaxından iştirak etmişdir.
1977-ci ilin mayın 30-dan iyulun 1-dək, 1978-ci ilin oktyabrın 3-dən noyabrın 4-dək və 1983-cü ilin sentyabrın 6-dan oktyabrın 12-dək V. Kuybışev adına Moskva İnşaat Mühəndisliyi İnstitutunda ixtisasartırma kurslarında iştirak etmişdir.[2]
22–28 noyabr 1993-cü il tarixlərində Almaniyanın Berlin şəhərində Sosial müdafiə fondlarının fəaliyyətinin aktual problemlərinə həsr olunmuş konfransda iştirak etmişdir.
20–22 may 1998-ci il tarixlərində Türkiyənin Ankara şəhərində keçirilən Türkiyə və Azərbaycanın sosial müdafiə qurumları arasında pensiya təminatı və sosial sığorta məsələlərinin müzakirəsi üzrə işçi qrupunda iştirak etmişdir.
06–17 sentyabr 1999-cu il tarixlərində Beynəlxalq Valyuta Fondunun Birləşmiş Vyana İnstitutunda "Dövlət xərclərinin siyasəti və sosial müdafiiə sistemi" mövzusunda keçirilmiş beynəlxalq seminarda iştirak etmiş və müvafiq sertifikata layiq görülmüşdür.
18–24 fevral 2002-ci il tarixlərində Moskva şəhərində Azərbaycan və Rusiya Federasiyasının sosial müdafiə qurumları arasında pensiya təminatı və sosial sığorta məsələlərinin müzakirəsi üzrə işçi qrupunda iştirak etmişdir.
Fikrət Axundov 1998-ci ildən Yeni Azərbaycan Partiyasının üzvüdür, işlədiyi qurumların ilk partiya təşkilatlarının keçirdiyi tədbirlərdə yaxından iştirak etmişdir.
Azərbaycan Respublikası Prezidenti cənab İlham Əliyevin 11 dekabr 2010-cu il tarixli 1231 №-li sərəncamı ilə Azərbaycanda müdafiə sənayesinin inkişafındakı xidmətlərinə və dövlət qulluğunda səmərəli fəaliyyətinə görə Axundov Fikrət Xosrov oğlu "Əməkdar dövlət qulluqçusu" fəxrı adı ilə təltif olunmuşdur.[3]
Uzunmüddətli qüsursuz iş fəaliyyətinə görə və anadan olmasının 70 illik yubileyi münasibətilə Axundov Fikrət Xosrov oğlu Müdafiə Sənayesi Nazirliyi tərəfindən Fəxri Fərmanla təltif edilmişdir.
Müdafiə Sənayesi Nazirliyin 2 fevral 2022-ci il tarixli 20/K nömrəli əmri ilə Fikrət Axundov Azərbaycan Respublikası Müdafiə Sənayesi Nazirliyinin 15 illiyi (2005–2020) Azərbaycan Respublikasının yubiley medalı ilə təltif edilmişdir.
 |
 |
SEVGIM.AZ |  |
 |
|