 |
 |
Sevgim.az |  |
 |
Bu səhifədə iş davam etməkdədir. |
Osman Faruk Loğoğlu — türk diplomatı və siyasətçi, Türkiyənin Azərbaycanda,[1] Danimarkada və Amerika Birləşmiş Ştatlarında fövqəladə və səlahiyyətli səfiri.
| Faruk Loğoğlu | |
|---|---|
| Şəxsi məlumatlar | |
| Doğum tarixi | 15 oktyabr 1941 (83 yaş) |
| Doğum yeri | |
| Partiya | |
| Təhsili | |
| Fəaliyyəti | siyasətçi, diplomat |
 Vikianbarda əlaqəli mediafayllar | |
Faruk Loğoğlu 15 oktyabr 1941-ci ildə Ankarada anadan olub. Tarsus Amerika kollecini bitirdikdən sonra ABŞ-ın Brandeys Universitetinndə siyasi elmlər üzrə bakalavr və magistr dərəcəsi, 1970-ci ildə Prinston Universitetində siyasi elmlər üzrə doktorluq dərəcəsi alıb.[2]
Faruk Loğoğlu Türkiyə Xarici İşlər Nazirliyinə daxil olmamışdan əvvəl 1969-1970-ci illərdə Vermontd Middlebury kollecində siyasi elmlər üzrə müəllim işləyib. Xarici İşlər Nazirliyində müxtəlif vəzifələrdə — siyasi müşavir, Avropa İqtisadi Birlikləri yanında Daimi Nümayəndəliyinin birinci katibi, Türkiyənin Dəkkədəki müvəqqəti işlər vəkili, Türkiyənin BMT yanında Daimi Nümayəndəliyinin siyasi məsələlər üzrə müavini və Hamburqda Türkiyənin baş konsulu vəzifələrində çalışıb.
1993-1996-cı illərdə Türkiyənin Danimarkadakı səfiri, 1996-1998-cı illərdə Türkiyənin Azərbaycandakı səfiri,[3] 2001-2006-cı illərdə Amerika Birləşmiş Ştatlarında Türkiyənin səfiri vəzifələrində çalışıb.
Digər xarici təyinatları Belçika, Banqladeş, Birləşmiş Millətlər Təşkilatı (Nyu-York) və Almaniyada olub. 1998-ci ildə Azərbaycandan Türkiyəyə qayıtdıqdan sonra o, əvvəlcə çoxtərəfli siyasi məsələlər üzrə müşavirin müavini (1998-2000), sonra nazirliyin müşaviri (2000-2001) vəzifələrində çalışıb. Xarici İşlər Nazirliyində Xarici Siyasət Məsləhət Şurasının üzvü və UNESCO üzrə Türkiyə Milli Komissiyasının sədr müavini vəzifələrində çalışıb.[4]
Loğoğlu 2006-cı ildə Türkiyə Xarici İşlər Xidmətindən təqaüdə çıxıb. O, iki il (2006-2008) Türkiyənin əsas beyin mərkəzlərindən birinə, baş ofisi Ankarada yerləşən Avrasiya Strateji Araşdırmalar Mərkəzinə (ASAM) rəhbərlik edib.
Loğoğlu eyni zamanda 2006-2010-cu illərdə UNESCO üzrə Türkiyə Milli Komissiyasının sədr müavini və UNESCO-nun Parisdə keçirilən Baş Konfransı zamanı Mədəniyyət Komitəsinə sədrlik edib. O, 2010-cu ildə Türkiyə Dəyişiklik Hərəkatında (TDH) çalışıb. Daha sonra Cümhuriyyət Xalq Partiyasına (CHP) üzv olub və 2011-ci ilin iyun seçkilərində Adana vilayətindən Türkiyə Böyük Millət Məclisinə millət vəkili seçilib. Hazırda Türkiyə Böyük Millət Məclisinin (TBMM) Xarici Əlaqələr Komitəsinin üzvü, CHP-nin xarici əlaqələr üzrə sədir müavinidir.[4]
Türkiyənin ikinci Prezidenti İsmət İnönünün siyasi tərcümeyi-halından bəhs edən “İsmət İnönü və Müasir Türkiyənin qurulması” kitabının müəllifidir. Xarici siyasətlə bağlı həm türk, həm də ingilis dillərində çox saylı məqalələri dərc olunub.
 |
 |
SEVGIM.AZ |  |
 |
|