 |
 |
Sevgim.az |  |
 |
İntersekslərin Xatirə Günü, həmçinin İntersekslərin Həmrəylik Günü — interseks fərdlərin qarşılaşdıqları problemləri vurğulamaq üçün nəzərdə tutulmuş beynəlxalq səviyyədə diqqət görən vətəndaşları maarifləndirmə günü. Bu tarix həm də fransalı interseks fərdi Herkulin Barbinin[ing.] doğum günüdür. Barbinin xatirələri sonradan Mişel Fuko tərəfindən kitablaşdırılmışdır.
| İntersekslərin Xatirə Günü | |
|---|---|
| Həmçinin adlandırılır | İntersekslərin Həmrəylik Günü |
| Qeyd edənlər | İnterseks icması |
| Növ | beynəlxalq |
| Qeyd olunmağa başlayıb | 8 noyabr 2005 |
| Tarix | 8 noyabr |
| Tezlik | illik |
| Əlaqəlidir | İnterseks Maarifləndirmə Günü[ing.] |
Bayram "Organisation Intersex International[ing.]" təşkilatı tərəfindən o vaxt ki sözçüsü Jöel-Sirs Larame tərəfindən təşkil olunan dəvətdən sonra 8 noyabr 2005-ci ildən etibarən "İntersekslərin Həmrəylik Günü" kimi qeyd olunmağa başlanmışdır.[1] Təşkilat təşkilatları, qrupları və fərdləri Herkulin Barbinin[ing.] həyatı, interseks fərdlərin orqanlarının sünnəti barədə müzakirə, "ikili cinsiyyətə qarşı zorakılıq və gender sistemi" və "cins və genderin ikili konstruksiyasında gizli olan seksizm" ilə bağlı həmrəylik nümayiş etdirməyə dəvət edib.[1]
26 oktyabrda İnterseks Maarifləndirmə Günü[ing.] ingilisdilli ölkələrdə, xüsusən Şimali Amerikada daha çox qeyd edilsə də, İntersekslərin Xatirə Günü daha çox Avropada qeyd olunur. Avstraliya və Cənubi Afrika kimi bəzi ölkələr həm bu günləri, həm də aralarındakı günləri "14 gün interseks" kimi qeyd edirlər.[2][3]
2012-ci ildə Yeni Cənubi Uels Parlamenti bu günü rəsmən qəbul etmişdir. Qanunvericilik Assambleyasının üzvü Linda Burni[ing.] də günün qeyd edilməsi təklifinin təşəbbüskarı təşkilatın bir şöbəsi olan Intersex Human Rights Australia[ing.] şöbəsini təqdir etmişdir.[4]
2014-cü ildə Avstriyanın Zalsburq şəhərindəki "Literaturhaus Salzburg[alm.]" adlanan ədəbi evində İntersekslərin Həmrəylik Günü ilə əlaqədar tədbir keçirilmişdir.[5][6] Analoji bir tədbir 2013-cü ildə Salzburq Universitetində də keçirilib.[7] 2016-cı ildə, İntersekslərin Həmrəylik Günündə OII Europe[ing.] 23 Avropa dilində intersekslə bağlı materialların yer aldığı InterVisibility.eu adlı yeni veb-saytı fəaliyyətə başlatmışdır.[8][9]
 |
 |
SEVGIM.AZ |  |
 |
|