 |
 |
Sevgim.az |  |
 |
Papers, Please (ing. tərcümə — "Sənədlər, lütfən") — tapmaca simulyasiya videooyunu.
| Papers, Please | |
|---|---|
 | |
| Hazırlayan | 3909 LLC |
| Yayımlayanlar | 3909 LLC |
| Buraxılış tarixləri | 8 avqust 2013, 12 fevral 2014, 12 dekabr 2014, 12 dekabr 2017 |
| Janr | Macəra oyunu[2], Simulyasiya video oyunu |
| Dizaynerlər | Lucas Pope |
| Texniki məlumat | |
| Platformalar | Microsoft Windows, OS X, Linux, iOS, PlayStation Vita, Android |
| Mühərrik | Unity |
| Oyun rejimləri | Birnəfərli |
| İnterfeysin dili | ingilis dili[1], fransız dili[1], alman dili[1], ispan dili[1], Braziliya portuqal dili[1], rus dili[1], italyan dili[1], yapon dili[1], polyak dili[1], ukrain dili[1] |
| Daşıyıcı | rəqəmsal yükləmə[d], rəqəmsal distribusiya |
| İdarəetmə | kompüter siçanı, sensor ekran |
| Rəsmi saytı | |
 Vikianbarda əlaqəli mediafayllar | |
Oyun Lucas Pope tərəfindən yaradılmış və onun 3909 LLC adlı şirkəti tərəfindən təkmilləşdirilmiş, eyni zamanda sunulmuşdur. 2013-cü il 8 avqustda Microsoft Windows və OS X, 2014-cü il 12 fevralda Linux, eyni il 12 dekabrda iOS, 2017-ci il 12 dekabrda PlayStation Vita,[3] 2022-ci il 5 avqustda Android platformalarına gətirilmişdir.
Oyunçu ilk gündən dövlət sərhəd keçid məntəqəsində inspektor kimi çalışır. Burada oyunçunun əsas vəzifəsi bu məntəqədən keçən hər kəsin sənədlərini müəyyən qaydalara əsasən yoxlamaqdır. Lakin vaxt keçdikcə bu qaydalar yenilənir və get-gedə sayı çoxalır.
Oyunçu 1982-ci ilin payızın son və qışın əvvəlki həftələrində Arstotzka adlı dövlət naminə nəzarətçi kimi öz vəzifəsini yerinə yetirir, çünki əks halda ya borclarına görə həbsə atılacaq, ya da ailəsi soyuqdan, aclıqdan və ya xəstəlikdən həyatını itirəcək.
Vəzifədə olduğu zaman oyunçu 7 ölkədən: Arstotzka, Koleçia, Obristan, Republia, Antegria, İmpor, Birləşmiş Federasiyadan olan vətəndaşları keçirməli olur. Lakin bu o qədər də sadə olmur: demək olar ki hər gün baş verən saysız müharibələr, diplomatik görüşlər, gözlənilməz terror hadisələri, bu hadisələrin bəzən bir hissəsi olan EZIC adlı qurumun möhkəmlənməsi, və bəzən bu hadisələrin qarışıqlığından istifadə edən qeyri-qanuni işlərlə məşğul olan insanlara görə yoxlanışın qaydaları daha da sərt və mürəkkəb hal alır.
Oyunun hekayə modunda 20 mövcud sonluq var. Bu moddakı sonluqlar oyun boyunca nə qədər və hansı vətəndaşları keçirib-keçirmədiyindən, qazancını necə bölüşdüyündən, oyunçunun ümumi hərəkətlərindən asılıdır. Oyunun sonsuz modu da mövcuddur.
 |
 |
SEVGIM.AZ |  |
 |
|