 |
 |
Sevgim.az |  |
 |
Apocalypse Hotel[a] – "CygamesPictures" studiyası tərəfindən yaradılmış anime serialı. 2025-ci ilin aprelindən iyununa qədər yayımlanmışdır. Animenin rejissoru Kana Şundo, ssenaristi Şiqeru Murakoşi və bəstəkarı Yoşiaki Fucisavadır.
| Apocalypse Hotel | |||||||||||||||||||
 Anime serialının posteri. | |||||||||||||||||||
| アポカリプスホテル (Apokaripusu Hoteru) | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| Janr | postapokaliptika | ||||||||||||||||||
| Anime serialı | |||||||||||||||||||
| Rejissor | Kana Şundo | ||||||||||||||||||
| Prodüsser |
| ||||||||||||||||||
| Ssenarist | Şiqeru Murakoşi | ||||||||||||||||||
| Bəstəkar | Yoşiaki Fucisava | ||||||||||||||||||
| Studiya | CygamesPictures | ||||||||||||||||||
| Lisenziya | Crunchyroll | ||||||||||||||||||
| Kanal | Nippon TV, AT-X | ||||||||||||||||||
| Yayım tarixi | 9 aprel 2025 – 23 iyun 2025 | ||||||||||||||||||
| Seriyalar | 12 | ||||||||||||||||||
| |||||||||||||||||||
12 seriyadan ibarət olan anime serialında hadisələr yaxın gələcəkdə – 2057-ci ildə başlayır. Ölümcül bir xəstəlik səbəbindən bəşəriyyət Yer kürəsini tərk edir və təxminən 100 il sonra sivilizasiyadan geriyə qalan yeganə şey robotlar tərəfindən idarə olunan "Gingarou" hoteli olur. Hotelin qinoid konserji Yaçiyo bəşəriyyətin qayıdışına qədər hotelin fasiləsiz işləməsinə nəzarət edir, digər tərəfdən yadplanetli qonaqları qəbul etməyə başlayır.
Anime serialına əsasən spin-off manqası "Apocalypse Hotel Pusupusu" 2025-ci ilin aprelində serializasiya olunmağa başlamışdır. Anime tənqidçilərin müsbət rəyini almışdır.
"Cygames Pictures" studiyasınin prezidenti Nabuhiro Takenaka 2020-ci ildə ssenarist Şiqeru Murakoşiyə yaxınlaşaraq "bəşəriyyətin məhv olmasından sonra robotların idarə etdiyi hotelə baş çəkən yadplanetlilər" haqqında anime çəkmək istədiyini bildirmişdir. Murakoşi bu konsepsiya əsasında ilkin ssenari yazmış və maraqlı olacaq hadisələr fikirləşmişdir. O, epizod ssenaristi Sotaro Vada və rejissor Kana Şundonun ideyalarını və rəylərini öyrənmişdir. Şundo layihəyə konsepsiyaya və İzumi Takemotonun orijinal personaj dizaynlarına görə qoşulmuşdur. O, 12 seriyanın xülasəsini oxuduqdan sonra hekayənin yaxşı yazıldığını və əyləncəli olduğunu düşünmüşdür. Şundo personaj dizaynlarını "nostaljik, amma tarixi keçməmiş" hesab etmişdir.[1]
Takenaka ilkin mərhələdən etibarən animenin hazırlanma prosesində iştirak etmiş və animenin istehsal meneceri olmuşdur. O, hekayənin əvvəli və sonu haqqında təkliflər vermiş, ssenari iclaslarında təsadüfi təkliflərlə çıxış etmişdir. Takenaka öz rolunu "yumorist" adlandırmışdır. Hadisələr postapokaliptik dünyada baş versə də, Takenaka əyləncəli anime yaratmağı hədəfləmiş və animenin izləyicidən asılı olaraq həm kədərli, həm də gülməli şərh olunmasını istəmişdir. İstehsal prosesinin əvvəlində Yaçiyo əvvəlcə "emosiyasız" və "sakit qərarlar verən" robot personaj kimi dizayn olunmuşdu. Lakin istehsalçı heyət süni intellekt və robototexnika sahəsindəki irəliləyişləri araşdırdıqdan sonra onun düşüncə tərzini insana daha yaxın etməyə qərar vermişdir. Takenaka personajı daha cəlbedici etmək üçün ona "naməlum genişləndirilmiş funksiyalar" əlavə etməyi təklif etmişdir. Şundo Yaçiyonu "moe personaj" kimi yox, "işçi qadın" kimi təsəvvür etməyə çalışmışdır.[1]
Hotelin yerləşdiyi yer kimi Qinza rayonunun seçilməsinin səbəbi bölgənin Edo dövrünə qədər uzanan ənənələrə malik olmaqla bərabər Qərb mədəniyyətinin təsirini əks etdirməsi, eləcə də, Tokio körfəzinə yaxın yerləşməsidir. Belə ki, istehsalçı heyət qiyamətdən sonra dəniz səviyyəsinin yüksəldiyini də əks etdirmək istəmişdir. Animenin ssenarisi ilk dəfə yazılanda hotelin yerləşdiyi yer kimi saat qülləsi düşünülmüşdür. Animenin "qinzalılığı"nı əks etdirmək üçün Qinzaya aid simvolik tikili hotelin binası, Kabukiza teatrının önü isə hotelin onseni kimi seçilmişdir. "Ginza Wako" alış-veriş mərkəzi hotel üçün model kimi istifadə olunmuşdur.[1]
 |
 |
SEVGIM.AZ |  |
 |
|
