Rahim Sadiqbeyli - Wikipedia - Sevgim.az

Rahim Sadıqbəyli 25 iyun 1965-ci ildə Azərbaycan SSR-nın Lənkəran şəhərində anadan olub. İlk təhsilini 1972-1982-ci illərdə Lənkəran şəhər 1 nömrəli tam orta məktəbdə alıb. 1982-ci ildə Azərbaycan Dövlət Mədəniyyət və İncəsənət Universitetinin dram və kino aktyorluğu fakültəsinə daxil olub. 1983-1985-ci illərdə hərbi xidmətdə olub. 1988-1993-cü illərdə Azərbaycan film kinostudiyasında rejissor asissenti və ikinci rejissor kimi çalışıb. 1989-1991-ci illərdə Rusiyanın Moskva şəhərində Ali rejissorluq və ssenari kurslarında oxuyub. 1993-1998-ci illərdə AzTV-də rejissor, 1998-1999-cu illərdə ANS TV-də prodüser və efir rejissoru, 1999-2001-ci illərdə Amerikanın İnternews şirkətində baş prodüser , 2001-2003-cü illərdə ATV-də yaradıcılıq işləri üzrə vitse-prezident vəzifələrində çalışıb. 2003-cü ildə Azərbaycanın "Bəyaz həyat" adlı ilk tele-serialını çəkib. Həmin serialın qısaldılmış variantı Krım TV filmlər festivalında ən yaxşı rejissor mükafatına layıq görülüb. 2005-ci ildə ailəsi ilə İsveçə köçüb. 2010-cu ildə İsveçin 3-cü böyük şəhəri olan Linköping şəhər bələdiyyəsində Web TV prodüseri və 2011-ci ildən İctimai Bilik kanalı olan UR-də sujetlər prodüseri kimi fəaliyyət göstərib. Rahim Sadıqbəyli indi həm İsveçdə və həm də Azərbaycanda sənədli və bədii filmlər çəkir. "Bir ümüddür yaşamaq" adlı kriminal romanın, "Ömrün qış fəsli", "Bəyaz yuxular", "İz", "Cəmiyyət"(Förening-Dərnək)", "Məxfi əməliyyat-kod adı İBLİS 60" adlı tammetrajlı və çox seriyalı bədii ssenarilərin müəllifidir. Ailəlidir, Aydan, Əminə və Einar adlı 3 övladı var. Stockholm Azərbaycan Media Mərkəzinin və İnternational Media Grup-un yaradıcısı və rəhbəridir.

1. Doğma sahillər (film, 1989)
2. Azadlığa gedən yollar (film, 1990)
3. Qətl günü (film, 1990)
4. Nakəs (film, 1991)
5. Kənar adamlar (film, 1992)
6. Qırmızı qatar (film, 1993)
7. Onlar da insandır(1993, Türkiyə, Özbəkistan)
8. Əzablı qurtuluş (film, 1993)
9. Qisas günü (film, 1993)
10. "Atikva" ümid deməkdir (film, 1994)
11. Qara ney (film, 1994)
12. Azərbaycan vətənimdir. Nisim Nisimov (film, 1994)
13. İşğal (film, 1994)
14. Hacı Arif (film, 1995)
15. Novruz (film, 1995)
16. Novruz bayramı (1998, internews)
17. Azərbaycan jurnalistləri, internews (2000)
18. 12-ci yolun sakinləri( 1998)
19. Bəyaz həyat (film, 2003)
20. Dünya dilləri-Världens språk(tv film serial, 2011)
21. Işveç dili hamı üçün- Svenska till varje pris (tv film serial, 2015)
22. Josefinin səması (Josefins himmel 2012)
23. Ovçu (Jägaren 2012)
24. Cəhənnəmin installiyasiyası (İnstallation of Hell 2021)
25. Xarı bülbül əfsanəsi (The khari Bulbul legend 2022)
26. Oden kodu (The Odin Coden 2024)
27. Nuhun ayaq izləri (The Footsteps of Noah 2024)

https://www.imdb.com/name/nm7798121/

https://azertag.az/en/xeber/SERIAL_WHITE_LIFE_AWARDED_GRAND_PRIX-546835

https://www.azernews.az/culture/202095.html

• https://www.youtube.com/channel/UCcGA44YHTBsJbF8K2m0NTVg?view_as=subscriber
• Bəyaz həyat (film, 2003)