 |
 |
Sevgim.az |  |
 |
Mixail Matatoviç İxilov (rus. Михаи́л Мата́тович Ихи́лов; 7 noyabr 1917, Quba – 1998) – SSRİ tarixçisi, etnoqrafı və qafqazşünası.
| Mixail İxilov | |
|---|---|
| Doğum tarixi | 7 noyabr 1917 |
| Doğum yeri | |
| Vəfat tarixi | 1998 |
| Elm sahələri | etnoqrafiya, qafqazşünaslıq |
| Elmi dərəcəsi | |
| Mükafatları |
 |
7 noyabr 1917-ci ildə indiki Azərbaycanın Quba şəhərində dağ yəhudiləri ailəsində anadan olmuşdur. Uşaqlığı və gəncliyi Dağıstanın Dərbənd şəhərində keçmişdir. İvrit, rus və Azərbaycan dilləri ilə yanaşı, ləzgi dilini də bilirdi.[1]
Pedaqoji institutun tarix fakültəsini bitirmişdir. İkinci Dünya müharibəsinin iştirakçısıdır. O, artilleriya məktəbini bitirdikdən sonra Baltikyanı və Leninqrad cəbhələrində döyüşmüş, bir neçə dəfə ağır yaralanmışdır.[2]
Müharibədən sonra tarix və etnoqrafiya ilə məşğul olmuşdur. SSRİ Elmlər Akademiyasının Dağıstan filialının Tarix, Dil və Ədəbiyyat İnstitutunda çalışmışdır. Moskvanın Etnoqrafiya İnstitutunda aspiranturanı bitirmiş və 1949-cu ildə dağ yəhudilərinin tarixi, mədəniyyəti və həyat tərzi ilə bağlı namizədlik dissertasiyasını müdafiə etmişdir. Onun dağ yəhudiləri haqqında məqalələri “Qafqaz xalqları” və “SSRİ xalqları” adlı ümumittifaq toplusuna daxil edilmişdir.[1]
İxilov Dağıstan xalqlarının etnoqrafiyasını öyrənmək üçün çoxillik ekspedisiyalarda iştirak etmiş və bu ekspedisiyalar zamanı geniş səhra materialı toplamışdır. Azərbaycanın bütün ləzgi kəndlərini gəzərək Quba ləzgiləri haqqında materiallar toplamışdır. 1957-ci ildə SSRİ Elmlər Akademiyasının Dağıstan filialının “Elmi qeydlər”ində “Quba ləzgiləri” adlı elmi məqaləsi, daha sonra isə eyniadlı kitabı nəşr olunmuşdur.[1]
Qafqazın, Türkiyənin, Yaxın Şərqin, İranın, antik və ərəb dünyasının tarixini yaxşı bilirdi. Əsas işləri Dərbəndin tarixi, dağ yəhudilərinin tarixi və Dağıstan xalqlarının etnoqrafiyasına həsr olunmuşdur.[1]
 |
 |
SEVGIM.AZ |  |
 |
|