 |
 |
Sevgim.az |  |
 |
Məişət texnikası — yemək bişirmək və ya təmizlik aparmaq kimi bəzi məişət funksiyalarını yerinə yetirən elektrik enerjisinin gücü hesabına işləyən mexaniki cihazlardır.[1] Məişət texnikası aşağıdakı qruplara ayrıla bilər:
Bu cür qruplara ayrılma bu növ məhsulların saxlanılması və təmirində də nəzərə çarpır. İstehlak elektronikası adətən yüksək səviyyədə texniki bilik və bacarıq tələb etdiyi halda, böyük cihazlar isə bu cihazları idarə etmək üçün daha çox praktiki bacarıqlar və eyni zamanda da onları təmir etmək üçün istifadə edilən ağır alətləri işlətmək məqsədilə böyük fiziki qüvvə tələb edir.[2][3]
Geniş istifadə sahəsini nəzərə alaraq, “məişət texnikası” termini cihazların “müəyyən bir istifadə və ya funksiyaya yönəlmiş alət və ya qurğu” kimi tərifinə əsaslanır.[4] Daha konkret desək, Collins lüğətində “məişət cihazı”nın tərifi “adətən elektriklə işləyən, evinizdə olan və təmizlik və ya yemək bişirmək kimi işlər üçün istifadə etdiyiniz cihaz və ya maşınlar” kimi verilmişdir.[5] Bu cür cihazların geniş istifadəsi deməyə əsas verir ki, evdə istifadə üçün nəzərdə tutulmuş demək olar ki, istənilən cihaz məişət texnikası hesab edilə bilər. Buna məişət elektronikası, eləcə də soba,[6] soyuducu, tost aparatı,[6] kondisioner, elektrik lampası və su nasosları da daxildir[7][8].
 |
 |
SEVGIM.AZ |  |
 |
|
