 |
 |
Sevgim.az |  |
 |
Labubu (çin. 拉布布) – honkonqlu dizayner Kasinq Lunq tərəfindən yaradılmış və bədheybət elf görünüşünə malik olan kolleksiya oyuncaq brendi.[2] Çinin "Pop Mart" şirkəti tərəfindən satılır.[3][4][5][6] Labubu eyni zamanda bu oyuncaq seriyasının əsas personajının adıdır.[7]
| Labubu | |
|---|---|
 | |
| Növü | kukla |
| Şirkət |
How2Work (2015–2019)[1] Pop Mart (2019–hazırda) |
| İxtiraçı | Kasinq Lunq |
 Vikianbarda əlaqəli mediafayllar | |
Labubu personajı Honkonqda doğulmuş,[8][9] Hollandiyanın Utrext şəhərində böyümüş və Belçikanın Antverpen şəhərinə köçmüş dizayner Kasinq Lunq tərəfindən yaradılmışdır.[10] O, personajı uşaqlıqdan etibarən sevdiyi Skandivaniya mifologiyası və folkloruna əsaslanaraq[11][12] yazdığı "Bədheybətlər" hekayələr seriyası üçün yaratmışdır.[5]
Labubu 2015-ci ildə "How2Work" şirkəti tərəfindən yaradılmış "Bədheybətlər" fiqur seriyası ilə tanıdılmışdır.[1][5] 2019-cu ildə "Pop Mart" şirkəti ilə əməkdaşlıqdan sonra oyuncaq məşhurlaşmışdır. Əməkdaşlıq Labubunu kolleksiyaçılar arasında populyar etmişdir.[1][3]
2025-ci ilə qədər 300-dən çox "Labubu" fiquru buraxılmışdır.[13] 2025-ci ilin iyununda Pekində baş tutmuş ilk rəsmi "Labubu" hərracında 122 sm hündürlüyündə olan yaşıl "Labubu" fiquru 170 min dollar qarşılığında satılmışdır.[14]
Labubular yumru, tüklü bədənlərə malikdirlər, iri gözləri, itiuc qulaqları, iti dişləri və yaramaz təbəssümləri var.[4][12][15] Labubunun "Bədheybətlər" adlı "qəbiləsinə" Mokoko, Pato, Spuki, Tikoko (Labubunun sevgilisi)[16] və Zimomo (qəbilə başçısı) kimi personajlar daxildir.[1][6][17] Onların müxtəlif görünüşdə olan fiqurları hazırlanmışdır.[4][6][18]
"Labubu" mövzusunda olan ilk brelok kolleksiyası "Exciting Macaron" 2023-cü ilin oktyabrında buraxımışdır.[6] Digər kolleksiyalara "Fall in Wild", yeddi fiqurdan ibarət olan "Have a Seat"[19] və "Big into Energy" daxildir.[6] "Pop Mart" müxtəlif brendlərlə əməkdaşlıq edərək oyuncaqların satışını təmsil edir. 2024-cü ildə 11 "Labubu" fiqurundan ibarət və "Coca-Cola" mövzusunda olan blaynd-boks buraxılmışdır.[20] 2025-ci ildə "One Piece" personajları kimi görünən "Labubu" personajlarından ibarət kolleksiya təqdim olunmuşdur.[21] "Labubu's Artistic Quest" seriyası "Pop Mart"ın Luvr muzeyində yerləşən mağazasında satılmışdır.[22]
2024-cü ilin aprelində "Blackpink" qrupunun üzvü Lisa çantasındakı "Labubu" breloku ilə görüntülənmiş və bu, oyuncaqların məşhurlaşmasına səbəb olmuşdur.[3][23] Rusiyada Federasiya Şurası "Labubu" oyuncaqlarının satışının qadağan olunmasını təklif etmişdir.[24]
 |
 |
SEVGIM.AZ |  |
 |
|