 |
 |
Sevgim.az |  |
 |
Əkbər Novruzlu və ya səhnə adı ilə Epi (15 yanvar 1999, Bakı) — Azərbaycan reperi.[1][2]
| Epi | |
|---|---|
| Ümumi məlumatlar | |
| Doğum adı | Əkbər Novruzlu |
| Doğum tarixi | 15 yanvar 1999 (26 yaş) |
| Doğum yeri | |
| Musiqiçi məlumatları | |
| Fəaliyyət illəri | 2013-cü ildən |
| Janrlar | rep, hip-hop[d] |
| Mükafatları |
  |
| epinrmnv.com | |
15 yanvar 1999-cu ildə Bakıda anadan olmuşdur. 2005–2016-cı illərdə 45 nömrəli orta məktəbdə təhsil almışdır. 2016–2018-ci illərdə hərbi xidmətdə olmuşdur. O, İkinci Qarabağ müharibəsi iştirakçısıdır.[3] O, "Xocavəndin azad olunmasına görə", "Füzulinin azad olunmasına görə" və "Şuşanın azad olunmasına görə" medalları ilə təltif olunub.[4][5]
O, 2013-cü ildən peşəkar olaraq "BizimEra Studio" ilə replə məşğul olmağa başlamışdır. 2014-cü ildən Bar Home adlı qrup yaratmış və dağılana kimi rəhbərlik etmişdir. 2014–2015-ci illərdə Şərab olmuşuq və Qırmızı Winston trekləri ilə populyarlıq qazanmışdır. 2015-ci ildə 6 trekdən ibarət Epinin Ədəbiyyatı albomu işıq üzü görmüşdür. 2017-ci ildə "Olanı de" adlı ilk solo konserti baş tutub. 2018-ci ilin avqustunda FTB, RZZA, Dadash ilə birgə Dörd2Sıfır qrupunu yaratmışdır. 2013-cü ildən battle-rep-lə intensiv olaraq məşğul olmuşdur. Bu qəbildən olan Azərbaycanın ən böyük battl-rep layihəsi olan Kəllə-Kəlləyədə[6] iki reperlə mübarizədən qalib ayrılmışdır.[7][8] 2020-ci ilin 15 avqustunda Epidemiya albomunu buraxmışdır.[9]
O, 18 noyabr 2023-cü ildə şəxsi Instagram hesabında yaşadığı şəxsi problemlər səbəbindən xaricə köçdüyünü və repdən getdiyini bildirmişdir. 10 aprel 2024-cü ildə isə iyun ayında baş tutacaq "Comeback" adlı solo konsertin posterini paylaşaraq repə geri qayıtdığını elan etmişdir.
16 iyul 2025-ci ildə narkotik vasitə istifadəçisi ittihamı ilə polis tərəfindən saxlanılıb.[10] Sosial şəbəkələrdə isə onun bir neçə gün əvvəl repçi Paster ilə rep deyişməsində Paşa Bank və Kapital Bank kimi bankların adlarını hallandırdığı və bu səbəbdən onunla bağlı polisə şikayət daxil olduğu iddia edilmişdir.[11] O, xırda xuliqanlıq və polisin qanuni tələblərinə tabe olmamaq maddələri ilə ittiham olunaraq həbs olunub.[12]
| Yayım ili | Adı | "YouTube"da izlənmə sayı (22 yanvar 2023-cü ildə yenilənib) |
|---|---|---|
| 2014 | Qırmızı Winston | 5.243.986 |
| 2015 | Qətran | 1.219.397 |
| Başdanxarab | 1.435.224 | |
| 2016 | High'can brat? | 1.332.909 |
| #BirGünPrezidentOlsam | 3.362.350 | |
| Allah haqqı (İthaf) | 1.221.954 | |
| 2017 | Əkbər Novruzlu | 3.058.407 |
| O gün bu gündür | 897.165 | |
| Tək qalmışam | 5.424.367 | |
| 2018 | Başdanxarab 2 | 440.938 |
| Pivə tutmur məni | 756.416 | |
| Mən Sual, Sən Nida | 6.328.749 | |
| 2019 | Taxi | 716.032 |
| Göylərə aşiq biri | 5.298.447 | |
| Epi kimdi?! | 4.817.676 | |
| MAŞIN'18 (OST) | 710.537 | |
| Boş şeylərdir | 1.321.668 | |
| 2020 | Bəlkə bizdə nəsə alınar | 1.265.213 |
| 2021 | 120 | 439.324 |
| Komendant Saatı | 171.890 | |
| Tрезвый Скотт | 1.006.243 | |
| Başqa?! | 320.540 | |
| İstər-istəməz | 532.090 | |
| Düşdüm Dərinə | 615.688 | |
| 2022 | Aleykum Salam | 467.787 |
(24.06.2021) — "Xocavəndin azad olunmasına görə" medalı[5] (24.06.2021) — "Füzulinin azad olunmasına görə" medalı[4] (24.06.2021) — "Şuşanın azad olunmasına görə" medalı[13]
(10.02.2022) — "Vətən müharibəsi iştirakçısı" medalı[14] |
 |
SEVGIM.AZ |  |
 |
|