Dordler Boyat Neftcala - Wikipedia - Sevgim.az

Dördlər kəndinin tarixi haqqında müxtəlif fikirlər olmuşdur. Dünyagörmüş qocalar bildirirdilər ki, kəndin adı Şah Abbasın zülmündən qaçıb gəlmiş dörd qardaşın adından görüdülmüşdür. "Dördlər", yəni dörd qardaşın yaşadığı kənd. Digər fikir elmi yanaşmaya əsaslanır. Bu yanaşmaya görə "Dördlər" adı qədim türk-tatar, monqol dövləti olan Dörbətlər dövlətinin adından gəlir. Dörbətlər hazırda Monqolustanda, əsasən Ubsunur aymağında yaşayırlar. Bir hissəsi isə Kalmıkiya ərazisində məskunlaşıb. Onlar Oyratların etnoqrafik qrupuna daxildilər. Bu fikir daha inandırıcıdır. Çünki Neftçala ərazisində hazırda Oryat (Oyrat), Dördlər kəndinə yaxın Tatarməhlə və Çərəci adlı kənd və ərazilər vardır.

Kəndin ilk sakinlərindən biri hazırda qəbiristanlıqda XIX əsrə aid olan qəbirdə dəfn olunmuş Mehdi kişi olub. Onun dörd oğlu olmuşdur: Əsəd, Zeynal, Cəfər Və Nəcəf. Kənddə hazırda beş əsas soyad daşıyıcıları yaşayır: ata: Mehdiyevlər, onun oğlanlarından olan: Əsədovlar, Nəcəfovlar, Cəfərovlar və Zeynalovlar. Deyilənə görə, vaxtilə bu tayfanın iki üzvündən olan törəmələr Xıllı qəsəbəsində Çərəzi adlandırılan yerdə məskunlaşıb.

Kənddə böyümüş Səxavət Əsədov, Sabir Əsədov, Arif Əsədov, Kamran Əsədov, Emin Dadaşov, Ələkbər Nəcəfov, Şamil Nəcəfov, Rahil Nəcəfov fəlsəfə doktorlarıdır. Nəcəfqulu Nəcəfov və Nadir Nəcəfov Neftçala rayonunun tanınmış zayalıları olmuşlar. Səxavət Əsədov "Əməkdar mühəndis"dir, "Tərəqqi" medalı ilə təltif edilmişdir.

Dördlərlilər İkinci Dünya müharibəsi zamanı da xüsusi igidlik göstərmişlər. Ağaşirin Ağaməmməd oğlu Cəfərov Taqanroq şəhəri uğrunda gedən vuruşlarda xüsusi igidliyinə görə 1943-cü ilin 1 noyabrında Sovet İttifaqı Qəhrəmanı kimi yüksək ada layiq görülmüşdür. Sabir Əsəd oğlu Əsədov Kerç uğrunda döyüşlərdə itkin düşmüşdür.

I Qarabağ müharibəsində Azad Zeynalov, Firdovsi Cəbrayılov şəhid olmuşlar. Keçmiş polis işçisi Alim Əsədov müharibədə rəşadətlə vuruşmuş, II qrup Qarabaş əlili olmuşdur.^[3]

Dördlər kəndində bir kitabxana, bir şadlıq sarayı, tarixi XIX əsrə gedən qəbiristanlıq , bir futbol stadionu, iki çayxana vardır. Kənddə doqquz ticarət obtekti-kiçik dükan fəaliyyət göstərir. Kənddə vaxtilə kino klubu da olmuşdur.

Dördlər kəndinin məktəbliləri qonşu Astanlı kənd və ya Xıllı qəsəbə 1 saylı orta məktəbdə təhsil alırlar.

Kənd sakinlərindən İmamverdi Zeynalov, Sabir Alim (Əsədov), Arif Alim (Əsədov) Azərbaycan Yazıçılar İttifaqının üzvüdür.

Sabir Alim (Əsədov) 2003-cü il üzrə ən yaxşı gənc şair mükafatının sahibi və Azərbaycan Respublikası Prezidenti təqaüdçüsüdür. Şamil Nəcəfov AMEA-nın Arxeologya İnstitunun böyük elmi işçisidir. Arif Əsədov Bakı şəhəri Azad Hümbətov adına 291 nömrəli Ekologiya liseyinin direktorudur.^[4]

Dördlər kəndi Neftçala rayonu ərazisində, Boyat bələdiyyəsinin və intibati nümayəndəliyinin ərazisində, Kür çayının cənub sahilində yerləşir. Əhali Kür çayı ilə Neftçala-Salyan magistral yolunun aralığında yaşayır. Əhalisinin sayı günü-gündən artmaqdadır. İqlimi yayı isti, qışı sərindir. İçməli suyu Kür çayından əldə edilir.

800 nəfər.^{[mənbə göstərilməlidir]}

İqtisadiyyatın əsas sahəsi kənd təsərrüfatıdır. Kənd əhalisi əkinçilik və maldarlıqla məşğuldur.