 |
 |
Sevgim.az |  |
 |
Creepy Nuts – DJ Matsunaqa və R-Şiteydən ibarət olan Yaponiya hip-hop dueti. "Sony Music Associated Records" və "Onenation" ilə əməkdaşlıq edirlər. 2024-cü ildə "Mashle" anime serialının ikinci mövsümü üçün oxuduqları "Bling-Bang-Bang-Born" mahnısı onları beynəlxalq səviyyədə tanıtmışdır. Mahnı onların ən uğurlu mahnısına çevrilmiş və 2024-cü ildə Yaponiyada bir sıra hit-paradlarda birinci yerə yüksəlmişdir.
| Creepy Nuts | |
|---|---|
.jpg) "Creepy Nuts" 2024-cü ilin aprelində. R-Şitey (solda) və DJ Matsunaqa (sağda). | |
| Əsas məlumatlar | |
| Üslub | hip-hop |
| Fəaliyyət illəri | 2013–hazırda |
| Ölkə |
 Yaponiya |
| Leybl |
|
| Heyət |
|
| Rəsmi saytı | |
 Vikianbarda əlaqəli mediafayllar | |
Duetin adı olan "Creepy Nuts"ın dərin bir mənası yoxdur, çünki onlar məşhur olacaqlarını düşünmürdülər.[2] "Shirafu de Suikyō" duetin ilk kommersiya məqsədli mahnısı olmuş, 8 avqust 2013-cü ildə "Popgroup Presents Kaikoo Planet III" adlı ilk yığma albomları buraxılmışdır.[3] Duet 2014-cü ilin iyulunda ilk dəfə Fuci Rok Festivalında iştirak etmişdir.[4] 26 avqust 2015-ci ildə debüt sinqlları olan "Setsuna" buraxılmışdır.[5] 20 yanvar 2016-cı ildə ilk minialbomları olan "Tarinai Futari" albomunu buraxmışdırlar.[6]
9 aprel 2017-ci ildə "Sony Music Entertainment Japan" ilə müqavilə imzaladıqlarını açıqlamışdırlar[7] və "Creepers" leyblını qurmuşdurlar. 11 aprel 2018-ci ildə debüt studiya albomları olan "Creep Show" albomunu buraxmışdırlar.[8] 2018–2023-cü illərdə "All Night Nippon" radio verilişinin aparıcıları olmuşdurlar.[9] Müstəqil sənətçi olduqları dövrdə hazırladıqları mahnıları 25 iyul 2018-ci ildə "Indies Complete" albomu ilə buraxmışdırlar.[10] 7 avqust 2019-cu ildə duetin üçüncü minialbomu "Yofukashi no Uta" buraxılmışdır.[11] 26 avqust 2020-ci ildə dördüncü minialbomları olan "Katsute Tensai Datta Oretachi e" albomunu buraxmışdırlar.[12] Duetin ikinci studiya albomu "Case" 1 sentyabr 2021-ci ildə,[13] üçüncü minialbomu "Ensemble Play" 7 sentyabr 2022-ci ildə buraxılmışdır.[14]
2019-cu ildə serializasiya olunmağa başlayan "Yofukashi no Uta" manqa seriyasının adı duetin eyniadlı mahnısından götürülmüşdür. Manqanın müəllifi Kotoyama addan istifadə etmək üçün qrupdan icazə istəmişdir. Mahnı daha sonra anime serialı adaptasiyasının bağlanış mahnısı kimi istifadə olunmuşdur.[15] "Creepy Nuts" anime adaptasiyasının açılış mahnısı üçün "Doten" mahnısı da ifa etmişdir.[16]
"Creepy Nuts" 7 yanvar 2024-cü ildə "Mashle" anime serialının ikinci mövsümünün açılış mahnısı kimi "Bling-Bang-Bang-Born" sinqlını buraxmışdır.[17] Mahnı Yaponiyada və dünyada populyar olmuş, "BBBB rəqsi" internetdə meydan oxumaya çevrilmişdir.[18][19] Mahnı dörd həftə "Oricon" bütün sinqllar hit-paradında[20] və 19 həftə "Billboard Japan Hot 100" hit-paradında birinci yerdə olmuşdur.[21] "Bling-Bang-Bang-Born" 2024-cü ildə Yaponiyada ən yaxşı performans sərgiləyən mahnı olmuş[22][23] və almaz sertifikata layiq görülmüşdür.[24] Mahnı ABŞ-də də Amerika Səsyazma Sənayesi Assosiyası tərəfindən qızıl sertifikat almışdır.[25]
"Creepy Nuts" 27 yanvar 2024-cü ildə "Tamamilə uyğunsuz!" serialı üçün "Nidone" mahnısını buraxmışdır.[26] Duet serialın final epizodunda kameo ilə yadda qalmışdır.[27] 2024-cü ilin ikinci yarısında "Dandadan" anime serialının açılış mahnısı üçün "Otonoke" mahnısını ifa etmişdirlər.[28] Bu, onların "Billboard Japan Hot 100" hit-paradında birinci yerə yüksələn ikinci mahnıları olmuşdur.[29] 24 yanvar 2025-ci ildə "Under Ninja" manqasının film adaptasiyası üçün "Doppelgänger" mahnısını buraxmışdırlar.[30] Dördüncü studiya albomu "Legion" rəqəmsal olaraq 5 fevral 2025-ci ildə buraxılmışdır.[31] 2025-ci ilin iyununda "Call of the Night" animesinin ikinci mövsümünün açılış mahnı üçün "Mirage" mahnısını buraxacaqları açıqlanmışdır.[32]
 |
 |
SEVGIM.AZ |  |
 |
|