 |
 |
Sevgim.az |  |
 |
Dərs dediyi Azərbaycan Rəssamlıq Akademiyasında sessiya sonrası tələbələri tərəfindən çəkilmişdir
Asif Azərelli (19 iyul 1946, Uğurbəyli, Bərdə rayonu – 4 sentyabr 2022) -Azərbaycan Respublikasının əməkdar rəssamı (Azərbaycan Respublikası Prezidentinin 30 dekabr 2015-ci il Sərəncamına əsasən). Dədə Qorqud obrazının yardıcısı kimi tanınır.[1][2]
Asif Azərelli (Asif Hüseyn oğlu Rzayev) 19 iyul 1946-cı ildə Azərbaycanın Qarabağ bölgəsində Bərdə rayonunun Uğurbəyli kəndində anadan olmuşdur. [3]
1970-ci ildə Əzim Əzimzadə adına Azərbaycan Dövlət Rəssamlıq Məktəbini bitirmişdir.
1976-cı ildə keçmiş SSRİ-nin Azərbaycan Rəssamlar İttifaqının mükafatına layiq görülmüşdür[4].
1976-1980-ci illərdə Rəssamlıq üzrə ali təhsilini Tbilisi Rəssamlıq Akademiyasında almışdır.
1980-ci ildə SSRİ Rəssamlıq tarixində ilk dəfə olaraq diplom müdafiəsi etdiyi gün həm də SSRİ Rəssamlar İttifaqına münsif heyətinin ümumi səs çoxluğu ilə qəbul olunmuşdur. Gürcüstanda Tbilisi Rəssamlıq Akademiyasında Ali təhsilini başa vurduqdan sonra 1981-ci ildə Bakıya köçmüş, Əzim Əzimzadə adına Rəssamlıq Məktəbində pedaqoq kimi fəaliyyətə başlamışdır.
Azərbaycan Rəssamlıq Akademiyasında dosent kimi fəaliyyətini də davam etdirirdi.
1983–1984-cü illərdə YUNESKO tərəfindən təşkil olunmuş beynəlxalq sərginin iştirakçısı olmuşdur.
Onun işləri Fransa, Almaniya, İran, Ukrayna, Rusiya, Türkiyə və Özbəkistanda keçirilmiş sərgilərdə nümayiş etdirilmişdir.[5]
3 sentyabr 2022-ci il tarixində Bakı şəhərində vəfat etmişdir.[6][7]
 |
 |
SEVGIM.AZ |  |
 |
|
