Sevgim.az
Xəbər Siyasət Kriminal Dünya Qafqaz İdman Şou
Zelenski ABŞ-yə onu səfir göndərmək istəyir
 
						Zelenski ABŞ-yə onu səfir göndərmək istəyir
Əlavə olunub: 07.17.2025 | 17:41 | Baxılıb: 1442
Ukrayna ABŞ-də səfiri vəzifəsinə əvvəllər baş nazirin Avropa və Avro-Atlantik inteqrasiya məsələləri üzrə müavini - ədliyyə naziri vəzifəsini tutmuş Olqa Stefanişinanın namizədliyini irəli sürüb.

“sevgim.az” TASS-a istinadən xəbər verir ki, bu barədə Ukrayna Prezidenti Volodimir Zelenski bildirib.

Onun sözlərinə görə, hazırda məsələ təsdiq mərhələsindədir: “Olqanın Ukraynanın ABŞ-dəki səfiri vəzifəsinə namizədliyi ilə bağlı Vaşinqtonla razılaşma prosedurları davam edərkən o, Amerika ilə münasibətlərdə tempi qorumağa çalışacaq. Təsdiqləmə prosesi dövründə Stefanişina ABŞ ilə əməkdaşlığın inkişafı üzrə xüsusi komissar kimi çalışacaq”.

Mənbənin yazdığına görə, bundan əvvəl Stefanişinanın Avropa İttifaqına səfir kimi gedəcəyi gözlənilirdi. Lakin ötən ay yerli media Ukraynada dondurulmuş qiymətli aktivlərin idarə edilməsi ilə bağlı korrupsiya qalmaqalında O. Stefanişina ilə əlaqəli şəxslərin, o cümlədən onun keçmiş ərinin əlaqəsi olduğunu yazmışdı. Lakin Olqa Stefanişina keçmiş əri və onun biznesi ilə hər hansı əlaqəsinin olduğunu inkar edib. Bununla belə, Ukraynanın İxtisaslaşdırılmış Korrupsiyaya ilə Mübarizə Prokurorluğu Stefanişinaya qarşı vəzifə səlahiyyətlərindən sui-istifadə maddəsi ilə cinayət işi açıb. Onu 6 ilə qədər həbs gözlədiyi bildirilir.

Qeyd edək ki, daha öncə KİV-də R.Umerovun Ukraynanın ABŞ-də səfiri olacağı barədə məlumat yayılıb.

Geriyə
Ən Son Xəbərlər hər dəqiqə yenilənən xəbər portalı, saytda hər bir məlumatı tapıb oxuya bilərsiniz.