“Terrorsuz Türkiyə” siyasi prosesi ilə bağlı məqsədimizə çatmaq üçün addımlarımızı atmağa davam edirik. Bu son məqsədə doğru irəliləyiş davam edir. Prosesin təxribatlardan təsirlənməməsi üçün də son dərəcə diqqətliyik”. 

“sevgim.az” “TRT Haber”ə istinadən xəbər verir ki, bunu Türkiyə Prezidenti Rəcəb Tayyib Ərdoğan Şimali Kiprdən qayıdarkən təyyarədə jurnalistlərə açıqlamasında deyib.

Onun sözlərinə görə, Türkiyə terrordan xilas olmaq üçün bütün lazımi addımları atır.

“Ölkəmizdə baş verən hadisələr atdığımız bu addımın doğruluğunu bir daha sübut edir. YPG-nin (PKK-nın qolu) mövqeyi hər an dəyişə bilər və bu səbəbdən proses diqqətlə izlənilir”, - deyə Ərdoğan əlavə edib.

O, həmçinin Türkiyənin təxribatlara qarşı ayıq-sayıq olduğunu da vurğulayıb.

Qeyd edək ki, iyulun 11-i “Terrorsuz Türkiyə” siyasi prosesi çərçivəsində İraqın Süleymaniyyə şəhərində bir qrup PKK üzvü silahlarını təhvil verib. Yaxın günlərdə PKK terrorçularının Süleymaniyyədə tərksilah olunmasının ikinci mərhələsi başlayacaq.

Fatimə Şahverdiyeva