HƏMAS-ın Qəzza zolağındakı lideri Xəlil əl-Həyya bəyan edib ki, vasitəçilər və ABŞ rəsmiləri hərəkata regionda münaqişənin başa çatması üçün zəmanət veriblər.

“sevgim.az” xəbər verir ki, bu haqda TASS məlumat yayıb.

“Vasitəçilər Qəzzada müharibəyə son qoymaq üçün razılıq əldə ediblər”, - o bildirib.

Əl-Həyyanın sözlərinə görə, əldə olunmuş razılaşmalar arasında hərbi əməliyyatların tam dayandırılması, İsrail qüvvələrinin zolaqdan çıxarılması, humanitar yardımın maneəsiz çatdırılması və münaqişə tərəfləri arasında əsirlərin mübadiləsi daxildir.

O vurğulayıb ki, İsrail tərəfi əldə olunmuş razılaşmaya əsasən azad ediləcək fələstinli məhbusların siyahılarını artıq alıb.