Ukrayna Xarici İşlər Nazirliyi Pilotsuz Sistemlər Qüvvələrinin komandanı Robert Brovdinin Macarıstana girişini qadağan etməsindən sonra bu ölkənin səfirinə etiraz notası təqdim edib.

“sevgim.az” xəbər verir ki, bu barədə Ukraynanın xarici işlər naziri Andrey Sibiqa “X” sosial şəbəkəsində yazıb.

“Macarıstanın səfiri Ukrayna XİN-ə çağırılıb. Ona Macarıstanın Ukraynada macar azlığına, xüsusilə də əcdadlarının ölkəsinə girişi qadağan edilmiş macar mənşəli müdafiəçimizə qarşı ayrı-seçkiliyinə cavab olaraq etiraz notası təqdim edilib”, - nazirin bəyanatında deyilir.

Sibiqa Macarıstan hakimiyyətini qeyri-dost hərəkətlərdən çəkinməyə və dövlətlər arasında konstruktiv dialoqu bərpa etməyə çağırıb. O, Kiyevin belə bir dialoqa açıq olduğunu vurğulayıb.