Yutub videohostinqi ABŞ Prezidenti Donald Trampın 2021-ci ildə qaldırdığı məhkəmə iddiasını həll etmək üçün 24,5 milyon dollar ödəməyə razılaşıb.

“sevgim.az” “Associated press” agentliyinə istinadən xəbər verir ki, iddia 2021-ci il yanvarın 6-da Kapitoli binasına basqından sonra Trampın yutub hesabının müvəqqəti bağlanması ilə bağlı olub. 

Müqavilənin şərtlərinə əsasən, həmin məbləğin 22 milyon dolları Ağ Evdə ziyafət zalının inşasına cavabdeh olan “Trust for the National Mall” təşkilatına köçürüləcək. Geri qalan 2,5 milyon dollar isə məhkəmə iddiasının digər iştirakçıları arasında bölünəcək. 

Xatırladaq ki, 2021-ci ildə prezident seçkilərinin nəticələrindən narazı olan Tramp tərəfdaşları Kapitoli binasına daxil olmuşdular. Bu hadisələr fonunda D.Trampın feysbuk, instaqram, yutub və tviter (hazırkı “X” – red.) hesabları bloklanmışdı.