Sosial şəbəkələrdə Şamaxıda 15 yaşlı qıza nişan mərasimi keçiriləcəyinə dair məlumatlar yayılıb.

DİN-in Mətbuat Xidmətinin regional qrupundan “sevgim.az"in sorğusuna cavab olaraq bildirilib ki, Şamaxı rayonunun Qızmeydan kəndində yeniyetmənin nişan mərasiminin keçiriləcəyi barədə yayılan iddialarla bağlı ərazi üzrə polis orqanında araşdırma aparılır. 

Əlavə məlumat veriləcək.

****

DİN-in Mətbuat Xidmətinin regional qrupundan bildirilib ki, Şamaxı rayonunda yeniyetmənin nişan mərasiminin keçiriləcəyi ilə bağlı sosial şəbəkələrdə yayılan iddialar araşdırılıb.

Polis əməkdaşları həmin ünvanda olub və qeyd olunan şəxsin 15 yox, 17 yaşının olduğu müəyyən edilib. Həmçinin nişan mərasiminin keçiriləcəyi barədə iddialar təsdiqini tapmayıb.