“Ozon qatını dağıdan maddələr haqqında” Monreal Protokoluna 2016-cı il 15 oktyabr tarixli Kiqali Düzəlişi təsdiq edilib.

“sevgim.az” xəbər verir ki, bununla bağlı Prezident İlham Əliyev Qanun imzalayıb.

Qeyd edək ki, Kiqali Düzəlişi hidroflüorokarbonların (HFC) mərhələli azaldılmasını nəzərdə tutur. Bununla həm ozon qatının qorunması, həm də iqlim dəyişikliyi ilə mübarizə gücləndiriləcək.

***

Prezident həmçinin Ümumdünya Telekommunikasiyanın İnkişafı Konfransının (ÜTİK-25) keçirilməsi, təşkili və maliyyələşdirilməsi ilə bağlı sazişin təsdiq edilməsi haqqında Qanunu imzalayıb.

Bununla bağlı sənəd bu il iyunun 25-də Cenevrə şəhərində və iyulun 11-də Bakı şəhərində imzalanıb.

Sənəddə Azərbaycan hökumətini Rəqəmsal İnkişaf və Nəqliyyat Nazirliyi təmsil edib.

Xatırladaq ki, Beynəlxalq Telekommunikasiya İttifaqının tarixində ilk dəfə olaraq Azərbaycanda keçiriləcək Ümumdünya Telekommunikasiyanın İnkişafı Konfransı noyabrın 17-dən 28-nə qədər baş tutacaq.

***

İlham Əliyev İslam İnkişaf Bankı (IsDB) Qrupunun 2026-cı ildə Azərbaycanda keçiriləcək İllik Toplantıları üçün təminatlara dair Anlaşma Memorandumunun təsdiq edilməsi haqqında Qanunu imzalayıb.

Bununla bağlı sənəd bu il mayın 22-də Əlcəzairdə imzalanıb.

Sənəddə Azərbaycan hökumətini İqtisadiyyat Nazirliyi təmsil edib.