Belarus Prezidenti Aleksandr Lukaşenko fermerləri və məmurları kartof yığımı ilə bağlı “zarafat etməməyə” çağırıb.

“sevgim.az” xəbər verir ki, məsələ ilə bağlı müşavirədəki çıxışını Belarus liderinin mətbuat xidmətinə yaxın olan “Pul Pervoqo” teleqram kanalı yayıb.

“Allah eləməsin, mənə hesabat versinlər ki, siz kartofu yetişdirməmisiniz. Və biz gələn il mart-aprel aylarında yenə narahat olacağıq ki, kartofumuz çatmadı”, - Belarus lideri xəbərdarlıq edib.

Lukaşenko kartof yığımı məsələsinə ciddi yanaşmağı tələb edib:

“Bu gün zarafat etmək olmaz! Keçən il zarafat etmişdik - əhalidən qulağımızın dibinə şillə aldıq. Biz isə prezidentdən tutmuş rayon icra komitələrinin sədrlərinə qədər özümüzə haqq qazandırmağa çalışdıq ki, Rusiyada kartof 3 dəfə bahadır - ora ixrac olunurdu”.