“Zəngəzur dəhlizi təkcə Azərbaycan, Ermənistan və Türkiyə üçün deyil, regionun digər dövlətləri üçün də faydalı olacaq”. 

“sevgim.az” “TRT Haber”ə istinadən xəbər verir ki, bunu Türkiyə Prezidenti Rəcəb Tayyib Ərdoğan Şimali Kiprdən qayıdarkən təyyarədə jurnalistlərə açıqlamasında bildirib.

“Biz bu dəhlizi geoiqtisadi ölçüsünə görə son dərəcə vacib hesab edirik. Həqiqətən də bu xətt regionumuzdan kənarda yerləşən coğrafiyaları birləşdirəcək və ticarəti stimullaşdıracaq. Əsas gözləntimiz bu xəttin fikir ayrılığı deyil, konsensus simvoluna çevrilməsidir. Bununla da region əməkdaşlığın üstünlük təşkil etdiyi çiçəklənən bir əraziyə çevriləcək. İnanıram ki, biz region ölkələri olaraq konsensus yolu ilə bu məsələni həll edə bilərik.

Azərbaycan Prezidenti İlham Əliyev Zəngəzura böyük önəm verir. O, bu dəhlizin tez bir zamanda hazırlanmasını və ondan həm Azərbaycanın, həm də regionun xeyrinə istifadə etmək istəyir. Əminəm ki, biz bu məsələni birlikdə həll edəcəyik”, - Ərdoğan əlavə edib.

Fatimə Şahverdiyeva