“sevgim.az” xəbər verir ki, hadisə rayonun Kürdmahmudlu kəndi ərazisində baş verib.

Qəza zamanı 4 nəfər Beyləqan rayon sakini xəsarət alıb.

Belə ki, hərəkətdə olan “Mercedes” markalı avtomobillə “Daewoo” markalı minik maşını toqquşub. Nəticədə “Mercedes”də olan Beyləqan rayon sakinləri - 2001-ci il təvəllüdlü Səfiyar Qubad oğlu Quluzadə, 1999-cu il təvəllüdlü Şamil Kamil oğlu Cəfərov, 1993-cü il təvəllüdlü Surət Mayılxan oğlu Nəcəfli və 1990-cı il təvəllüdlü İlqar İbadət oğlu Nəcəfov müxtəlif dərəcəli xəsarətlər alaraq Füzuli Rayon Mərkəzi Xəstəxanasına çatdırılıblar.

Hadisə ilə bağlı Tibbi Ərazi Bölmələrini İdarəetmə Birliyindən (TƏBİB) sorğumuza cavab olaraq bildirilib ki, bu gün saat 11:30 radələrində Füzuli rayonu ərazisində baş verən yol-nəqliyyat hadisəsi səbəbilə xəsarət alan 4 nəfər kişi Füzuli Rayon Mərkəzi Xəstəxanasına hospitalizasiya olunub: “Onlara bədənin müxtəlif nahiyələrinin çoxsayılı travması diaqnozu təyin olunub. Pasiyentlərə zəruri tibbi yardım göstərilib və ambulator müalicə üçün evə buraxılıblar”.

Faktla bağlı araşdırma başlanıb.

Ziya Əmirxanlı