“Moskva Rusiya ilə Ukrayna arasında İstanbulda keçirilən danışıqlardan “möcüzəvi irəliləyiş” gözləmir”.

“sevgim.az” TASS-a istinadən xəbər verir ki, bunu jurnalistlərə açıqlamasında Kreml sözçüsü Dmitri Peskov deyib.

Onun sözlərinə görə, vəziyyət çox mürəkkəbdir.

Peskov əlavə edib ki, Rusiya öz maraqlarını qorumaqda və ilkin məqsədlərini yerinə yetirməkdə qərarlıdır.

Qeyd edək ki, Ukrayna Prezidenti Volodimir Zelenski növbəti görüşün iyulun 23-də Türkiyədə keçiriləcəyini açıqlasa da, TASS mənbəyə istinadən danışıqların iyulun 24-ü baş tutacağını bildirib.

Onu da bildirək ki, tərəflər daha əvvəl hər tərəfdən min nəfər olmaqla məhbus dəyişməsinə və xəstə, gənc məhbusların “hamı-hamıya” prinsipi ilə qaytarılmasına razılaşıblar.

Fatimə Şahverdiyeva