“Rusiya tərəfi Şanxay Əməkdaşlıq Təşkilatının sammiti çərçivəsində azərbaycanlı həmkarlarla fəal ünsiyyətdə olub”.

“sevgim.az” TASS-a istinadən xəbər verir ki, bunu Şərq İqtisadi Forumunda çıxış edən Rusiya Baş nazirinin müavini Aleksey Overçuk deyib.

“Rusiya və Azərbaycan arasında iqtisadi münasibətlər çox yaxşı inkişaf edir və biz daim əlaqədəyik. Şanxay Əməkdaşlıq Təşkilatının sammiti çərçivəsində də həmkarlarımızla fəal ünsiyyətdə olduq. Azərbaycanla iqtisadi əlaqələrimiz planlaşdırdığımız kimi normal inkişaf edir, - Overçuk bildirib.

Bununla yanaşı, Ermənistanla Azərbaycan arasında sülh sazişinin paraflanmasından danışan rusiyalı rəsmi bunu regionda sülhün möhkəmləndirilməsinə töhfə adlandırıb.