Fransanın Şatoru şəhərində keçirilən Avropa Atıcılıq Çempionatında Azərbaycan atıcıları uğurlu nəticə əldə ediblər.

“sevgim.az” xəbər verir ki, dairəvi (skeet) stend qarışıq duet komandası kateqoriyasında mübarizə aparan Niyaz Ağazadə və Riqina Meftaxetdinova cütlüyü bürünc medal qazanaraq yarışları fəxri kürsüdə tamamlayıb.

Medal qarşılaşmasında təmsilçilərimiz İsveç duetinə — Stefan Nilsson Schoen və Victoria Larsson cütlüyünə qarşı üstün atış nümayiş etdirərək inamlı qələbə ilə 3-cü yeri təmin ediblər.

Yarışların qalibi Bitərəf Fərdi Atletlər — Anatoli Semininko və Arina Kuznetsova qızıl, gümüş medala isə Çexiya komandasının üzvləri Yakub Tomoçek və Barbora Sumova layiq görülüblər.