Beyləqanda qəza zamanı ikisi qardaş olmaqla 3 nəfər xəsarət alıb.

“sevgim.az” xəbər verir ki, yol-nəqliyyat hadisəsi rayonun Birinci Şahsevən kəndi ərazində olub.

Qəza zamanı 1999-cu il təvəllüdlü Ülvi Bariz oğlu Həşimov, 1996-cı il təvəllüdlü Elvin Bariz oğlu Həşimov və 1999-cu il təvəllüdlü Məhərrəm Elman oğlu Səfərov ağır xəsarətlər alaraq Beyləqan Rayon Mərkəzi Xəstəxanasına çatdırılıblar.

İlkin məlumata görə, qəza nişan mərasimindən qayıdarkən baş verib.

TƏBİB-dən sorğumuza cavab olaraq bildirilib ki, bu gün saat 05:00 radələrində Beyləqan rayonunda yol-nəqliyyat hadisəsi səbəbilə xəsarət alan 3 nəfər (kişi) Beyləqan Rayon Mərkəzi Xəstəxanasına hospitalizasiya olunub.

Onlara bədənin müxtəlif nahiyələrinin çoxsaylı travmaları diaqnozu təyin edilib.

Pasiyentlərin müalicəsi Beyləqan RMX-nin Reanimasiya və intensiv terapiya şöbəsində davam etdirilir, vəziyyətləri stabil olaraq qiymətləndirilir.

Faktla bağlı araşdırma aparılır.

***

Beyləqandakı qəzada ağır xəsarət alanlar ANAMA əməkdaşları olub və yaralanan qardaşlardan biri ölüb.

Belə ki, 1996-cı il təvəllüdlü Elvin Bariz oğlu Həşimov həkimlərin göstərdikləri reanimasiyon tədbirlərə baxmayaraq, xəstəxanada vəfat edib.

***

TƏBİB-dən sorğumuza cavab olaraq bildirilib ki, bu gün saat 05:00 radələrində Beyləqan rayonunda yol-nəqliyyat hadisəsi səbəbilə xəsarət alan 3 nəfər (kişi) Beyləqan Rayon Mərkəzi Xəstəxanasına hospitalizasiya olunub. 

Onlara bədənin müxtəlif nahiyələrinin çoxsaylı travmaları diaqnozu təyin edilib. 

2 nəfərin müalicəsi isə Beyləqan Rayon Mərkəzi Xəstəxanasının Reanimasiya və intensiv terapiya şöbəsində davam etdirilir. Vəziyyətləri stabil olaraq qiymətləndirilir.

Aparılan reanimasyon tədbirlərə və həkimlərin çoxsaylı səylərinə baxmayaraq, 1996-cı il təvəllüdlü şəxsin saat 13:30-da ölüm faktı qeydə alınıb.

Ziya Əmirxanlı