Ağ Ev ABŞ Prezidenti Donald Trampın ukraynalı həmkarı Volodimir Zelenskidən Moskva və Sankt-Peterburqa hücum etməsini istəməsi ilə bağlı iddiaları rədd edib.

“sevgim.az” xəbər verir ki, bu haqda Ağ Evin mətbuat katibi Kerolayn Livit açıqlama verib.

O, “Financial Times”ın iddiasına zidd olaraq, ABŞ Prezidenti Donald Trampın Zelenski ilə söhbətində Moskva və Sankt-Peterburqa hücumlara çağırış etmədiyini bildirib.

“Financial Times”, izləyicilərini artırmaq üçün sözləri kontekstdən çıxarmaqla məşhurlaşan reputasiyaya malikdir. Prezident Tramp sadəcə bir sual verdi; o, növbəti qətlləri təşviq etmədi”, - Livit deyib.

Mətbuat katibi həmçinin bəyan edib ki, Tramp Ukraynadakı münaqişəyə son qoymaq üçün yorulmadan çalışır.

Xatırladaq ki, nəşr daha əvvəl ABŞ Prezidenti Donald Tramp ukraynalı həmkarı Volodimir Zelenski ilə 4 iyul tarixli telefon danışığı zamanı Ukraynanın Moskvaya zərbə endirib-endirə bilməyəcəyini soruşduğunu yazıb.

Qeyd edilib ki, Söhbət zamanı ABŞ lideri yalnız Moskvaya deyil, həm də Sankt-Peterburqa təzyiqin artırılmasının vacibliyini ifadə edib: “Volodimir, Moskvaya zərbə endirə bilərsən? Sankt-Peterburqa da?”

Zelenski Trampın sualına cavab olaraq bildirib ki, belə bir əməliyyat yalnız Vaşinqton tərəfindən müvafiq silahların verilməsi halında mümkün ola bilər: “Əlbəttə. Əgər siz bizə silah versəniz, edə bilərik”.