ABŞ-nin yaxın zamanda Venesuelada hərbi əməliyyat keçirəcəyi qorxusu ölkədə ciddi gərginlik yaradıb.

“sevgim.az” xəbər verir ki, bu barədə “New York Times” nəşri məlumat yayıb.

Nəşr yazır ki, Karib dənizindəki ABŞ hərbi qüvvələrinin əsas hədəfi prezident Nikolas Maduro və yaxın çevrəsi hesab olunur.

Qəzetin mənbəsi əlavə edib ki, Trampın müşavirləri Maduronu vəzifəsindən uzaqlaşdırmaq üçün təzyiq göstərib və bununla əlaqədar son günlər 5 ABŞ hərbi təyyarəsi Venesuela hava sahəsinin sərhəd zonasında uçub.

Xatırladaq ki, Venesuelanın müdafiə naziri Vladimir Padrino hərəkəti provokasiya adlandırıb və ölkənin təhlükəsizliyinə ciddi təhdid olduğunu vurğulayıb. Analitiklər qeyd edir ki, ABŞ hərbi mövcudluğu gərginliyi silahlı qarşıdurmaya çevirmək üçün yetərli deyil və vəziyyət qeyri-müəyyəndir.