Xəbər verdiyimiz kimi, tanınmış yazıçı, ictimai-siyasi xadim, uzun illər Baş nazirin müavini vəzifəsində çalışmış Elçin Əfəndiyev ötən gün vəfat edib. Mərhumla vida mərasimi bu gün Azərbaycan Dövlət Milli Gənc Tamaşaçılar Teatrında baş tutub.

Elçin Əfəndiyev dövlət idarəçiliyindəki fəaliyyəti ilə də yadda qalıb. O, 1993-cü ildən 2018-ci ilə qədər Azərbaycan Baş nazirinin müavini vəzifəsində çalışıb. Bu dövrdə ölkənin sabiq Baş naziri Artur Rasi-zadə ilə birgə işləyib.

“sevgim.az” modern.az-a istinadən xəbər verir ki, E.Əfəndiyevin uzun il həmkarı olan, hazırda ictimai-siyasi həyatda görünməyən sabiq Baş nazir A.Rasi-zadə dəfn mərasimində şəxsən iştirak etməyib. Buna baxmayaraq, o, mərhuma ehtiram əlaməti olaraq I Fəxri xiyabana əklil göndərib.

Qeyd edək ki, Artur Rasi-zadə bu il 90 illik yubileyini qeyd edib. O, 1996-2018-ci illərdə ölkənin Baş naziri postunda olub. Onun yaşı ilə bağlı vida mərasiminə qatılmadığı istisna deyil.